१.    ऐतिहासिक पृष्ठभूमिः
नेपालको मध्य–पश्चिमी पहाडमा अवस्थित, पूर्वमा कास्की र पर्वत, पश्चिममा बागलुङ, डोल्पा र रुकुम, उत्तरमा मुस्ताङ र डोल्पा तथा दक्षिणमा बागलुङद्वारा परिवेष्ठित ८३००८’ देखि ८३०५३’ पूर्वी देशान्तर र २८०२०’ देखि २८०४७’ उत्तरी अक्षांस अन्तर्गत रहेको भू–भाग म्याग्दी जिल्ला अन्तर्गत पर्दछ । यस जिल्लाको कुल क्षेत्रफल २,२९७ वर्ग कि.मी. (२,२९,७०६ हे.) रहेको छ । जिल्लाको वर्तमान सिमाना २०३१ सालमा पर्वत र मुस्ताङबाट २० गाविसहरु (गाउँ पंंचायत) यस जिल्लामा गाभिन आएपछि कायम हुन आएको हो । हाल यो जिल्लामा ४१ गाविस रहेका छन् । २०१८ सालको सीमा विभाजन अनुसार गण्डकी पारिका ईलाकाहरु क्रमशः मुस्ताङ र पर्वत जिल्लामा रहेका थिए । तत्कालीन म्याग्दी जिल्लामा २१ गाविस (गाउँ पंंंचायत) मात्रै रहेका थिए ।
१.१ नामाकरणः
इतिहासमा प्रसिद्ध पर्वत राज्य अन्तर्गत पर्ने यस म्याग्दी जिल्लाको नामाकरण २०१८ सालको जिल्ला विभाजनमा प्रथम पटक भएको पाइन्छ । प्रसिद्ध हिमशिखर, तालतलैया, नदीनाला र धार्मिक स्थलको नाउँबाट अञ्चल तथा जिल्लाको नामाकरण गर्ने शिलशिलामा त्यतिबेलाको जिल्ला विभाजन अनुसार झण्डै सिंगो जिल्लाभरि नै फैलिएको नदी “म्याग्दी” को नामबाट यस जिल्लाको नामाकरण गरिनु स्वाभाविक र युक्तिसंगत नै थियो । यो जिल्लाको पश्चिमदेखि दक्षिण–पूर्वतिर बग्ने नदीको नाम म्याग्दी रहनुका निम्नलिखित कारणहरु हुन सक्दछन् ।
                                                                                                                   अरु पद्नुहोस...